Sami Lushtaku paditë Lëvizjen Vetëvendosje për shpifje dhe dëmtim të reputacionit

10:48 | 28 Tetor 2024
L G

Ish-deputeti i Partisë Demokratike të Kosovës (PDK), Sami Lushtaku, ka ngritur padi për shpifje ndaj Lëvizjes Vetëvendosje.

Lajmin e ka bërë të ditur djali i tij, deputeti aktual i PDK-së, Mërgim Lushtaku.

Lidhur me këtë padi, Lushtaku ka thirrur konferencë për media, e cila do të mbahet në ora 14:00.

“Ju ftojmë të merrni pjesë në konferencën për publikun, ku do të bëhet njoftimi zyrtar lidhur me padinë e ngritur nga z. Sami Lushtaku ndaj Lëvizjes Vetëvendosje, për shpifje dhe dëmtim të reputacionit. Konferenca do të mbahet në Zyrën e Avokates Besiana Ismaili, e cila kryeson ekipin mbrojtës të z. Lushtaku, në adresën: Ulpianë, rr. “Motrat Qiriazi” D-4, hyrja 1, nr. 2. Ngjarja do të zhvillohet të hënën, në ora 14:00”, thuhet në njoftim./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm